203 பேரை வாட்டும் மூளைக்காய்ச்சல்: மாவட்ட ரீதியாகப் பதிவாகியுள்ள நோயாளர்களின் விபரம் வெளியீடு!

சுகாதார அமைச்சின் தரவுகளின்படி, நாட்டின் பல்வேறு பகுதிகளிலிருந்தும் இதுவரை 203 நோயாளர்கள் அடையாளம் காணப்பட்டுள்ளனர். இவர்களில் பெரும்பாலானோர் பாடசாலை மாணவர்கள் என சுகாதார அமைச்சு உறுதிப்படுத்தியுள்ளது.

தியத்தலாவ: 25 நோயாளர்கள் ரிகில்லகஸ்கட: 25 நோயாளர்கள் வெலிமட: 13 நோயாளர்கள் இது தவிர, முதன்முதலில் அதிக பாதிப்புகள் கண்டறியப்பட்ட தெனியாய மற்றும் கண்டி ஆகிய பகுதிகளிலும் நோயாளர்கள் தொடர்ந்து கண்காணிக்கப்பட்டு வருகின்றனர். சுகாதார பிரதி அமைச்சர் மருத்துவர் ஹன்சக விஜேமுனி இதுகுறித்து ஊடகங்களுக்குக் கருத்துத் தெரிவிக்கையில்:

“தற்போது பரவி வரும் இந்த நோயானது, மூளைக்காய்ச்சலுக்கான (Meningitis) அறிகுறிகளை வெளிப்படுத்தும் ஒரு வகையான இன்புளுவென்சா (Influenza) வைரஸ் தொற்று என முதற்கட்ட ஆய்வுகளில் தெரியவந்துள்ளது. எனினும், இது எந்த குறிப்பிட்ட வைரஸ் வகையைச் சேர்ந்தது (Virus category) என்பதைக் கண்டறிய மருத்துவ ஆராய்ச்சி நிறுவனம் (MRI) தொடர்ச்சியான ஆய்வுகளை மேற்கொண்டு வருகின்றது.

” பாதிக்கப்பட்ட நோயாளர்களின் முதுகுத்தண்டுவட நீர் மாதிரிகளைப் (Cerebrospinal fluid – CSF) பரிசோதித்ததன் மூலமே இந்த நோய் கண்டறியப்பட்டுள்ளது. தற்போதைய நிலையில், புதிய நோயாளர்கள் எவராவது பதிவாகிறார்களா அல்லது இந்த நோய் மேலும் பரவுகிறதா என்பதை சுகாதார அதிகாரிகள் மிக நெருக்கமாகக் கண்காணித்து வருகின்றனர்.

பாதிக்கப்பட்ட நபர்களுடன் ஏற்படும் நெருங்கிய தொடர்பு, அசுத்தமான குடிநீர் மற்றும் உடற்தொடர்புகள் மூலம் இந்த வைரஸ் வேகமாகப் பரவக்கூடும் என எச்சரிக்கப்பட்டுள்ளது.

கடுமையான காய்ச்சல் தலைவலி மற்றும் வாந்தி / குமட்டல் கழுத்துப் பகுதியில் விறைப்புத்தன்மை (Neck stiffness) சூரிய வெளிச்சத்தைப் பார்க்க இயலாமை பொதுமக்கள் பின்பற்ற வேண்டிய அவசர வழிகாட்டல்கள் நோய் பரவலைக் கட்டுப்படுத்த தேவையான அனைத்து முன்னெச்சரிக்கை நடவடிக்கைகளையும் சுகாதாரத் துறை முடுக்கிவிட்டுள்ளது. 

பொதுமக்கள் தேவையற்ற அச்சம் கொள்ளத் தேவையில்லை எனக் குறிப்பிட்டுள்ள சுகாதார அமைச்சு, பின்வரும் பாதுகாப்பு நெறிமுறைகளை அவசரமாகப் பின்பற்றுமாறு கேட்டுக்கொண்டுள்ளது: எப்போதும் தண்ணீரை நன்கு கொதிக்க வைத்து, ஆறவைத்த பின்னரே குடிக்க வேண்டும்.

பொது இடங்களுக்கும் பாடசாலைகளுக்கும் செல்லும்போது தகுந்த முகக்கவசங்களை (Face Masks) அணிய வேண்டும். மக்கள் அதிகம் கூடும் நெரிசலான இடங்களுக்குச் செல்வதைத் தவிர்ப்பது நல்லது.

கைகளை அடிக்கடி சோப்பு அல்லது கிருமிநாசினி கொண்டு சுத்தமாகக் கழுவ வேண்டும். பிள்ளைகளுக்கு காய்ச்சல் அல்லது கடுமையான தலைவலி போன்ற அறிகுறிகள் தென்பட்டால், தாமதிக்காமல் உடனடியாக அருகிலுள்ள அரசு மருத்துவமனைக்கு அழைத்துச் செல்லுமாறு பெற்றோர்கள் அறிவுறுத்தப்படுகிறார்கள்.